Ақжайық аудандық білім бөлімінің №426 12-ақпандағы шығыс хатына сәйкес 16 ақпан Тайпақ мектеп – гимназиясының медағасы
Б.Кабиев пен психолог Г.Дюсенгалиева және сынып жетекшілердің ұйымдастыруымен 5-8 сынып оқушыларына бруцеллез ауруын тұрақтандыру бағытындағы санитарлық ағарту жұмысы жүргізілді. Медаға Б.Кабиев «Сарыптың алдын алу» тақырыбында баяндама оқып, санбюллетендер таратты. Сарып ауруымен ауратын малдар, олардан жұқтыру жолдарын, алдын алу, болдырмау шараларын, аурудың белгілері жайында талқылау жүргізілді. «Сарыптан өзіңді және баланы сақта!» жаднамасы ата-аналарға таратылды. Оқушыларға үнемі қолды жуып таза жүру керек екені ескертілді.
Елбасымыз Нұрсұлтан Әбішұлы Назарбаев «Ұлы Отан соғысы ардагерлерінің еңбегі қашан да өлшеусіз. Оларды бейбіт күнде қалай құрметтесе де жарасады. Жеңіс сағатын жақындатуға сіңірген еңбектері мен ел тәуелсіздігіне қосқан үлестері баршаға үлгі, ұрпаққа өнеге. Бұл үшін қазақстандықтар ардагерлерді айрықша қастерлейді, қамқорлаудан аянбайды, басты мақсат – Ұлы Жеңістің 70 жылдығын кең көлемде мерекелеу» - деген болатын. Осы орайда, Ұлы Жеңістің 70 жылдығына арналған «Ел мен ердің жеңісі» атты Тайпақ ауылдық округі мекемелері арасында 7 ақпан – 2 мамыр аралығында фестиваль өткізу жоспарланған болатын. Жоспарға сай 14 ақпан Тайпақ мектеп – гимназиясының ұжымы «Ерлік пен Жеңіс - майдангерлер еңбегі» атты мерекелік концертін ардагерлер мен ауыл тұрғындарына тарту етті. Концертті «Көгершіндер», &laqu