Тайпақ мектеп - гимназиясында «Қарттар күніне» арналған жоспар құрылып, бекітілді. Жоспарға сай 28 қыркүйек қарттар күніне орай білім беру саласы бойынша зейнеткерлікке шыққан ардагер ұстаздардың тізімі жасақталды. (11 адам). 29 қыркүйек «Қарттарын қадірлеген – ел ардақты» тақырыбымен сыныптарда тәрбие сағаттары, тыл ардагерлері мен көп балалы ата-аналармен кездесулер ұйымдастырылды. 1 қазан «Ақылды қария – ағып жатқан дария» тақырыбымен ардагер ұстаздарға  (15 адам) арналып мерекелік дастархан жайылды. Мерекелік дастарханда «Қарлығаш» күйі тартылды, «Туған жер» әні шырқалып, терме айтылды, «Түрік» биі биленді. Ардагерлерімізге жылы лебіздер айтылып, иықтарына ақ жаулық жабылды. Денсаулығына байланысты келмей қалған ардагерлердің үйіне арнайы сыйлықтар жіберілді. (Барлығы 15 мың теңге) Мектебімізге ардагерлер батасын беріп, ризашылықтарын білдірді. Ардагерлердің еңбегін ұмытпай әрқашан асқақтатып жүру біздің міндетіміз.