Ұйқымнан тыныш ояндым. Шұғылалы күннің шапағатын көрдім.

Табиғат-ананың махаббатына жанылып мектепке асықтым.

Мені мектепке жеткізген-бейбіт күн. Сол себепті де менің бейбіт күнге айтар алғысым көп.

  Мен бейбіт күнге қалай қол жеткіздім?! Осы сұрақтың астарына үңілгім келді... Ұлан-ғайыр атырапты алып жатқан қазақ елінің дәстүрге берік, жұртына серік, досына көрік боларына  тәуелсіздіктің қосқан үлесі мол. Атыраудан Алтайға дейінгі кең байтақ даланың, сай-саланың, орман-таудың, бақша-баудың, ауыл, қаланың, қара домалақ баланың, жарқын уақыттың, байлық пен бақыттың иесі-қазақ екендігін ұғындырған тұғырлы Тәуелсіздік. Бүгінгі күні әлем назарын өзіне аударған Қазақстан ең бірінші береке-бірліктің, уайымсыз тірліктің, ырыс-құттың мекеніне айналды. Ел басының салмақты да салиқалы саясатының нәтижесінде аз ғана уақытта экономикасы дамыған өркениетті елу елдің қатарынан көрінуге нық қадамдар жасалынды. Ата-бабамыз ақ найзаның ұшымен, ай балтаның күнімен қорғап қалған байтақ елдің ертеңі бүгінінен нұрлы.