Сабақтың тақырыбы:  Қарапайым графикалық редакторы. Суретті ашу, сақтау.

Сабақтың мақсаты : Оқушыларға графикалық ақпаратты жасау туралы түсінік беру, графикалық редактормен жұмыс істеуге үйрету
Сабақтың көрнекілігі : интерактивті тақта, көрнекілік құралдар, карточкалар.                 

Пән аралық байланыс: математика.  
Сабақтың түрі: Жаңа сабақ түсіндіру. 
Сабақтың әдісі: сыни тұрғыдан ойлау, ақпараттық технологияны 
информатика пәнін оқытуда қолдану. 
Сабақ барысы: 
Ұйымдастыру кезеңі: оқушыларды түгендеп, оқушы көңіл күйін бағыттау, сабаққа деген ынтасын ояту.    

 І.Қызығушылықты ояту.

• Компьютер жанындағы өсімдік .
• Баспаға шығару құрылғысы .
• Жалпы желіге қосылу үшін не керек? 
• Қандай ОЖ білесін?

• Ақпарат (информация) қай тілден шыққан? 
• Вирусқа қарсы программа.
• Дыбыс шығару құрылғысы.
• Бос орын қалдыру пернесі.
• Capslock-тың қызметі.
• Енгізу құралдарын ата
 

ІІ. Мағынаны тану.

Компьютер графикалық кескіндерді салудың ең қолайлы және қуатты құралы болып табылады. Графикалық кескіндермен жұмыс істейтін Windows қолданбаларын графиктік редакторлер деп атайды. 
Графикалық редактор графикалық бейнелерді жасауға және редакциялауға 
арналған.
 

Барлық растрлық бейнелер нүктелерден-пиксельдерден тұрады. Ол суреттін мөлшерін өзгерткенде анық көрінеді

   Бұл-бейненің әр нүктесін өзгерте алатынымызды  білдіреді!

Редактор:
1. Құрал-саймандар мен бояуларды қолдана отырып, сурет салуға;
2. Суреттерді бөлек бөліктерден құрастыруға;
3. Суретке мәтінді енгізу және қалыптастыруға;
4. Бар графикалық объектілерді түзетуге;
5. Схемаларды сызуға жәнс т.б. мүмкіндік береді.
PAINT сурет салу бағдарламасы әр түрлі графикалық кескіндерді салуға,оны өңдеуге мүмкіндік береді. Бұл бағдарламаның көмегімен қарапайым суреттен бастап, күрделі графикалық шығармаларға дейін жасауға болады. 
PAINT бағдарламасында өзіміз сурет салуымызға Windows –тің басқа қолданбаларынан алмастыру буферіне көшірілген дайын суреттерді мәтінге қоюға,сондай-ақ сканердің көмегімен алынған күрделі кескіндерді енгізуге болады.
Редакторды іске қосу үшін:
a. Іске қосу (пуск) батырмасын шертеміз.
b. Бас менюден Программалар (Программы) командасын таңдаймыз.
c. Ашылған бағынқы менюден Стандартты командасын таңдаймыз.
d. Келесі бағыныңқы менюден Рaint графикалық редакторын таңдаймыз.
Енді бұл тізбекті мына түрде жазамыз: Іске қосу-Барлық программалар-Стандартты- Рaint (Пуск-Программы-Стандартные-Рaint)
Командалар орындалғаннан кейін, экранда Рaint бағдарламасының терезесі пайда болады.

СУРЕТ САЛУ КЕЗЕҢДЕРІ 
-болдырмау және қайтару 
-суреттің тік төртбұрышты үзіндісін белгілеу 
-суреттің белгілі бір бөліктерін өшіруге арналған өшіргіш 
-тұйық контурды құю 
-суреттен түс таңдау 
-экрандағы бейненің өлшемін өзгертуге арналған масштаб 
-жіңішке сызықтарды сызуға арналған қарындаш 
-ерікті сызықтарды сызуға арналған кисть 
-мәтінді енгізу мен қалыптастыруға арналған жазу 
-әртүрлі фигуралар 
 

Ой толғаныс.

Топтастыру. Оқушылар көмегімен орындалады.

Компьютерде практикалық жұмыс.

Деңгейлік тапсырмалар 
І-деңгей. Әр түрлі түспен, әр түрлі жуандықта Көкжайық ауылынның почта индексінің сызық құралымен сал. 

ІІ-деңгей. Қолдарыңды жұмыс үстелінен көтермей, «Көпбұрыш» құралын пайдаланып суретті салыңыз. 

ІІІ-деңгей. «Тіктөртұрыш» және «Құю» арқылы балалардың пирамидасын сал! 
Карточкалар:

Карточка №1

1. Өз суреттеріңді мұғалім көрсеткен жерде сақтау үшін Суреттер-Тегің-Сынып (мысалы, суреттер-Сәрсенбаев-5А) бумасын құрыңдар

2. Смайликтің суретін салыңдар

3. Paint- Қалай сақтау бұйрығын орындап, пішімдер тізімін біліп алыңдар 4. Өз суреттеріңді Бірінші сурет деген атаумен бірнеше рет сақтаңдар. Әрине әртүрлі пішімді таңдауларың керек.

Карточка №2

1. Графикалық редактордың терезесін жирыңдар.
2. Өз бумаларыңның терезесінде кесте түрінде көрсетуді (қосымша -   Кесте батырмасы)орындаңдар.
3. Алған файлдарыңның қасиеттерін қарап шығыңдар. Файлдардың мөлшеріне көңіл бөліңдер.     

Бақылау сұрақтары

1. Графикалық деректерді енгізу және шығару үшін қандай құрылғылар қолданылады?
2. Графикалық редактор деген не?
3. Растрлық графиканың кемшілігін атаңдар.
4. Растрлық графиканың  артықшылығы неде?
5. Қандай тәсілдермен файлды құруға болады?
6. Қандай тәсілдермен файлды құруға болады?
7. Бейненің қандай пішімінің сапасы нашар болады№
8. Сурет салу мен толтыру үшін түстерді қалай таңдаймыз?

Қорытындылау. Бағалау.
Үйге тапсырма: Тақырыпты қайталау.

1. Қызыл жасыл және сары түстердің қалай таңдаймыз?
2.  Түсті анықтағанда қара және ақ түстерді қалай алуға болады?
3. RGB (0,250,0) кодына қандай түс сәйкес келеді?
4. * Қылқаламды қалай баптауға болады?
5. * Сұр түспен боялған контурсыз эллипстің суретін қалай саламыз?